Jino ilo Mei 11, 2023: Ritōl ro an public health ilo Oregon emōj aer jolok elōñ wāween kōmadmōd ko ñan COVID-19 ilo an jemlok idin jorrāān eo an federal. Bōk melele ko relablok kin oktak ko rekāāltata ijin.

Ewōr ke kejbarok im ejejjet ke an jerbal wā eo ñan ajiri?

Uwaak ko kin wā ko ñan jinen im jemen im baamle ko

Ajiri ro 5 aer yiō im rūttolok remaron kiō tōbrak in bōke wā in COVID-19.

Ñe kwe jinen ak jemen ak rikejbarok, ekkā an wōr kajitōk kin wā eo ñan ajiri eo nejum. Aurok am bōke uwaak ko ñan kajitōk ko am im kenono ibben taktō eo am ilo ien am kōmmane kelet eo elañe ajiri eo nejum ej bōke wā eo ñan COVID-19.

Download ae Kajitōk im Uwaak ko kin wā eo an COVID ñan ajiri ro 6 aer allon im rūttolok.

Download

Ajiri eo neju aikuj ke wā?

Ajiri ro remaron lukkun nañinmij jen COVID-19, im wā eo ej wāween eo emmontata ñan kejbarok er. Oktak kāāl ko an COVID elablok aer kabobo, im elablok armij ro redik ilo Oregon rej deloñ aujbitol kin COVID-19. Kommoolol bwe wā ko rej letok kejbarok eo elabtata an jejjet ñan an armij jab lukkun nañinmij ak deloñ aujbitol kin COVID-19, ak maron kaajeeded ñan ro jet:

Ta abnōnō ko ekkā aer walok jen wā?

Abnōnō kein ekkā aer walok rej kakōlle ko rej kwalok ke enbwinnin ajiri eo nejum ej kōmman an kein bōbrae jen kij eo. Abnōnō ko rej aikuj jako iomwin jet raan.

Ilikin kein kamololo, lab am idaak aeboj im lab am kakkije emaron jibañ. Wūno ko jemaron make wiaiki einwōt Advil im Tylenol remaron bar jibañ an emmonlok aer mour.