Poputa May 11, 2023: Noun Oregon kewe chon angangen safean aramas meinisin ra kan wutawow ekkoch foforun ponu ngeni COVID-19 kena nupwen an ewe muunap atepwanepwan a kan sopweno. Kaeo chomong usun ekkewe minafon siwin kena ikei.

Katoneoch ekewe esisin ren COVID-19

INET KOPWE ANGEI ANINISIN ATEPWANEPWANEN SAFEI

Nengeni me eteneki ekkewe sainin/esisinen emerechensi ren COVID-19. Ika a pwá won emon ekkei sain/esisin, mwittir kutta aninisin tumwunun safei mi atapwanapwan:

  • Weires ngasangas

  • Metek ika ngut fan mwarin ese kéúnó

  • Minaféén osukuosuk (confusion)

  • Ese tongeni nenó ika nennenó

  • Kungunó tinawen ika won mesan

Ei list (tetenin mettóóch) ese apachanong meinisin sokkun sain ika esisin mi tongeni wor. Kékkéri 911 ika kékkéri omw we nenien emerechensi me ereni ewe operator (ewe a pénúweni fon) pwe ka mochen aninisin tumwun ren emon mi wor ren ika omw nuku mi wor ren COVID-19.

Nge pwan ifa usun sopwesopwenon anisinin semwen kena ika “long COVID-19”?

Ekkoch aramas ir ra fen semwen seni ewe virus a kan poputani COVID-19 chomong ra kan eaeani chok nongetamenon asisinin semwen kena ina ra kan chuen nom ren non ruwanu wik ika tam seni murin ewe semwen a wasino. Fan ekkoch ra aiita ngeni long COVID-19, long-haul COVID, chronic COVID, post-acute COVID-19, or post-acute COVID syndrome ekkei sakkun ra kan tongeni apachanong ew chonapenon ren asisinin semwen kena.

Chomong ekkena asisinin semwen ra kan iteiten repotini ra pachenong:

  • Monunu ika apwangepwangeno ina a kan awosukosuk ngeni menawom iteiten ran
  • Pwichikar
  • Weiresin ngasengasom ika mwochomwochen eom ngasengas
  • Naw
  • Metekin fan mwerum
  • Mutirino ika mwaninon pichin foun ngasengasen
  • Weiresin ekkiekum ika wenewenen ekkiekum ( fan ekkoch ra aiita ngeni "rochonon non mokurom")
  • Metekin mokur
  • Weires ne mour
  • Mwanien nupwen ka wuuta
  • Siwininon non an tongeni epwe tenguteng ika nari
  • Mefingaw ika noninengino
  • Metekin non wuupwom ika diarrhea
  • Metekin nefinen chuum ika fitikom
  • Kinin
  • Siwininon non fansoun chaan fefin kena
  • Asisinin semwen kena ra kan ngaweno murin angangen inis ika weiresin ekkiekum

Asisinin semwen kena ra tongeni poputa murin ewe semwen a wasino, moreno, pwasefan me pwan tameno non wik, maram ika ier kena.

Ika pwe en kan mefi ew ekkei asisinin semwen kena me pwan a kan fen ruwanu wik ika tam seni eomuwe semwen, iwe kapas ngeni noumuwe chon awora tumunun safei ren awenewenen ekeit. Ika pwe en ese kan wor emon noum chon awora tumunun safei, iwe kori 211 ren aninisin kuuten emon.

Io a kan napeno ngaweno ren tamenon COVID?

  • Aramas kena ir ra kan napeno ar mefi fisin ngawen semwenin COVID-19, akaewin ekkena ir ra kan no nuing ika angeni wattenon tumunun.
  • Aramas kena ir ra kan angei sakkun semwenir kena me mwan an torir COVID-19.
  • Aramas kena ir rese kan angei ew apposun COVID-19.

Ifa usun ai upwe tumunuwei seni Tamenon COVID?

Ewe eochun sakkun eom kopwe tumunuk me pwan ekkoch seni semwen kena murin COVID epwene kan seni eom asofono eom apposun COVID-19 me pwan apechakunen appos kena.

Ren napenon poraus me pwan nenien angei aninis kena usun Tamenon COVID, churi ewe Centers for Disease Control (CDC).