KEV SOJ QAB XYUAS TUS NEEG TAU NYOB ZE NROG TUS NEEG KIS MOB YOG DAB TSI?

Kev soj qab xyuas tus neeg tau nyob ze nrog tus neeg kis mob txhais tau tias yog cov tib neeg uas tau nyob ze nrog tej tus neeg uas tau kuaj ntsuas pom tias muaj tus kab mob COVID-19 lawm. Tus neeg ntawd yuav tau txais tej ntaub ntawv, cov lus qhia thiab kev pab txhawb.

VIM LI CAS NWS THIAJ LI TSEEM CEEB?

Nws pab cheem tau kev sib kis tus kab mob vais lav COVID-19 kom cov neeg uas tej zaum muaj tus kab mob vais lav yuav tau mob siab tshwj xeeb pab tiv thaiv rau lwm tus neeg. Nyob rau Oregon, cov chaw saib xyuas kev noj qab haus huv hauv zos siv kev sib txuas lus taug xyuas los pov thaiv kev sib kis kab mob ntawm ntau hom kab mob, zoo ib yam li mob ua qoob.

NWS UA HAUJ LWM LI CAS?

Cov neeg tau nyob ze nrog tus neeg kis tus kab mob yuav pab tswj koj thiab koj cov neeg hlub kom noj qab nyob zoo thiab pab txo kev sib kis tus kab mob COVID-19 kom tau qeeb los ntawm:

Sib tham nrog koj txog txoj hauv kev uas yuav los pov thaiv qhov kev sib kis kab mob ntawm tus kab mob vais lav, xam nrog rau kev nyob twj ywm hauv tsev los sis ntawm thaj chaw uas tau muab los tawm lub chaw saib xyuas kev noj qab haus huv rau zej tsoom kom txog thaum qhov kev phom sij dhau mus lawm.Qhov no paub tias “kev muab cais nyob ib leeg.”
Yuav muab cov ntaub ntawv hais txog kev noj qab hauv huv li cas mus ua kev saib xyuas rau koj tus kheej thiab lwm tus neeg yog tias koj pib muaj cov tsos mob.
Kev faib tawm cov ntaub ntawv muaj nyob rau koj lub zej zog uas tuaj yeem txhawb nqa koj tau thaum muab koj cais nyob ib leeg.

LEEJ TWG YOG TUS SOJ QAB XYUAS TUS NEEG TAU NYOB ZE NROG TUS NEEG KIS TUS KAB MOB?

Oregon COVID-19 Contact Collaborative (Oregon Feem Kev Sib Koom Tes Saib Xyuas Tus Kab Mob COVID-19)muaj xws li Oregon Health Authority (Oregon Feem Saib Xyuas Kev Noj Qab Haus Huv), cov chaw saib xyuas kev noj qab haus huv hauv ib cheeb tsam thiab haiv neeg tsawg, thiab cov koom haum saib xyuas hauv zej zog. Lawv sib koom tes ua ke los cheem kev sib kis ntawm tus kab mob COVID-19 nrog kev soj qab xyuas tus neeg tau nyob ze nrog tus neeg kis tus kab mob.

KOJ YUAV PAB COV ZEJ ZOS UAS RAUG CUAM TSHUAM LOS NTAWM KEV NTXUB NTXAUG HAIV THIAB KEV RAUG CAIJ TSUJ TAU LI CAS?

OHA nkag siab tias nws tseem ceeb npaum li kom ua tau tej kev xav tau sib txawv ntawm txhua tus neeg nyob rau hauv Oregon. Tus kab mob COVID-19 tau cuam tshuam rau cov zej zos uas ua rau muaj kev ntxub ntxaug haiv thiab kev caij tsuj ntau dua lwm yam.

OHA tab tom mob siab ntsos los ua hauj lwm nrog cov koom haum saib xyuas hauv zej zog rau thaum lub sij hawm muaj kab mob sib kis no los daws tej kev cuam tshuam ntawm tus kab mob COVID-19. Cov koom haum saib xyuas hauv zej zog yuav pab peb kom nkag siab,mus cuag tau thiab saib xyuas kom tau raws li cov kev xav tau ntawm cov tib neeg cev nqaij tsos xim, cov haiv neeg tsawg, thiab cov neeg xiam oob qhab, cov zej zog uas muaj neeg khiav nkag teb chaws thiab neeg thoj nam tawg rog, cov zej zog LGBTQIA+, thiab cov neeg hla teb chaw thiab cov neeg ua hauj lwm ua liaj teb raws caij nyoog.

KOJ YUAV TIV THAIV KUV TUS KHEEJ NTIAG TUG LI CAS?

Peb xav kom txhua tus neeg txhob poob siab thaum txais tsab xov tooj hu tuaj ntawm cov neeg ua hauj lwm Muab Kev Sib Koom Tes Txuas Lus txog kab mob COVID-19. Koj cov ntaub ntawv yuav yog qhov tsis pub lwm tus paub thiab yuav tau xam tias yog cov ntaub ntawv sau tseg txog kev noj qab haus huv txog zej tsoom uas tsis pub lwm tus paub. Qhov ntawd txhais tau tias koj cov ntaub ntawv yuav tsis raug faib tawm rau lwm lub chaw sawv cev, xam nrog rau cov tub ceev xwv saib xyuas neeg nkag teb chaws.

LEEJ TWG THIAJ YUAV TAU IB TSAB XOV TOOJ HU TUAJ?

Cov tib neeg uas paub meej tias muaj tus kab mob COVID-19 lawm yuav tau txais tsab xov tooj hu tuaj ntawm lawv cov chaw saib xyuas kev noj qab haus huv hauv zos los sis haiv neeg tsawg uas ua hauj lwm sib koom tes nrog Oregon COVID-19 Contact Collaborative.

Cov tib neeg uas tau nphav txog kab mob COVID-19 los ntawm ib tug neeg uas kuaj ntsuas pom tias muaj tus kab mob COVID-19 lawm yuav tau txais tsab txov tooj hu tuaj ntawm tus neeg ua hauj lwm rau qhov Oregon COVID-19 Contact Collaborative.

KOJ YUAV NUG COV NQE LUS NUG DAB TSI?

Cov chaw saib xyus kev noj qab haus huv rau zej tsoom hauv zos thiab haiv neeg tsawg thiab Oregon COVID-19 Contact Collaborative yuav nug txog:

Koj nyob hauv lub cheeb nroog twg
Koj li hnub yug
Koj tej ntaub ntawv sib txuas lus, xam nrog cov nab npawb xov tooj, tus email thiab chaw nyob xa ntawv
Koj txoj hauj lwm
Koj hom haiv neeg
Koj haiv neeg tsawg
Txawm tias koj yuav yog ib tug neeg xiam oob qhab los xij
Txawm tias koj yuav muaj cov tsos mob kab mob COVID-19 los xij
Koj qhov kev nyiam coj li txiv neej los yog poj niam
Koj qhov yog txiv neej los yog poj niam

Cov chaw saib xyuas kev noj qab haus huv rau zej tsoom hauv zos thiab cov neeg ua hauj lwm sib txuas lus txog tus kab mob COVID-19 yuav tsis nug koj tus:

Tus nab npawb Social Security
Qib kev nkag teb chaws (Cim tseg: Cov ntaub ntawv yuav tsis raug faib tawm rau lub chaw saib xyuas neeg nkag teb chaws los sis lub chaw yuam siv kev cai lij choj. Kev tau txais kev ntsuam sim los sis kev tau txais kev kho mob rau kab COVID-19 yuav tsis muaj feem cuam tshuam rau koj qhov mus nyob rau teb chaws MES KAS ib txhis.)
Tus nab npawb npav khes div, tej ntaub ntawv hauv tuam txhab nyiaj thiab tus as qhauj

Yog tias txhua tus neeg hu rau koj nug cov ntaub ntawv no, ces muab xov tooj tua xwb. Qhov no yuav yog tej tug neeg uas sim mus siv koj cov ntaub ntawv txhawm rau dag ntxias.

THAUM LUB SIJ HAWM HU XOV TOOJ TUAJ YUAV VAM KHOM TXOG DAB TSI?

Yog tias koj rauj kuaj ntsuas pom tias muaj tus kab mob COVID-19 lawm:

Yog koj raug kuaj ntsuas pom muaj tus kab mob COVID-19 lawm, ib tug neeg ua hauj lwm saib xyuas kev noj qab haus huv hauv ib cheeb tsam los sis saib xyuas kev noj qab haus huv rau haiv neeg tsawg yuav hu xov tooj tuaj rau koj thiab xa ntawv tuaj rau koj. Lawv yuav muab cov ntaub ntawv hais txog kev tiv thaiv kev sib kis ntawm tus kab mob vais lav qhia rau koj, yuav saib xyuas rau koj tus kheej li cas thiab yuav sib txuas nrog rau cov cov chaw pab cuam hauv koj lub zej zog tau li cas. Koj yuav hais kom cais nyob ib leeg yam tsawg kawg yog 10 hnub tom qab cov tsos mob pib zoo thiab yam tsawg kawg yog tau 72 teev tom qab qhov zoo ua npaws lawm thiab cov tsos mob COVID-19 tab tom zoo zuj zus.

Kev cais nyob ib leeg txhais tau tias kev mus nyob kom deb ntawm txhua tus neeg, xam nrog rau cov neeg hauv yim neeg thiab tsev neeg. Tshwj tsis yog yuav tsum tau kho mob rau koj, txhob tawm ntawm koj lub tsev kom mus txog thaum koj tus kws kho mob hais tias nws nyab xeeb lawm.

Yog tias koj tsis muaj cov tsos mob, yuav tau ahis kom koj cais nyob ib leeg kom ntev txog 10 hnub tom qab koj tau kuaj ntsuas pom tias muaj tus kab mob.

Pawg kws ua hauj lwm saib xyuas kev noj qab haus huv rau zej tsoom yuav pab ua kom koj nco qab tau cov chaw uas koj tau mus thiab cov tib neeg uas koj tau sib txuas lus nrog ua ntej ob hnub koj yuav pib muaj mob.

Kev tau nyob sib ze txhais tau tias nyob ze dua rau fij ntawm ib tug neeg ntev tsawg kawg 15 feeb.

Tus kws tshuaj ntsuam xyuas yuav nug txog cov neeg uas koj tau txuas lus nyob ze nrog: Tus neeg ua hauj lwm saib xyuas kev noj qab haus huv txog zej tsoom yuav txuas lus rau tus neeg ntawd, tab sis lawv yuav tsis qhia cov ntaub ntawv ntsig txog koj los sis koj qhov xwm txheej rau tus neeg ntawd.

Ib tug tswv cuab ntawm pawg kws saib xyuas kev noj qab haus huv rau zej tsoom yuav muab tej ntaub ntawv hais txog kev soj qab xyuas lawv tus kheej tej tsos mob qhia kom lawv paub. Lawv kuj yuav muab tej lus qhia hais txog qhov yuav tau txais kev kuaj ntsuas li cas yog lawv muaj mob thiab yuav zam li cas thiaj li tsis kis tau tus kab mob vais lav.

Koj cov ntaub ntawv yuav raug txwv zoo heev thiab yuav raug saib xyuas kom zoo li cov ntaub ntawv kev noj qab haus huv uas raug pov thaiv.

Yog koj raug txheeb xyuas pom tias koj yog tus tau nyob ze nrog ib tug neeg uas muaj tus kab mob COVID-19 lawm:

Yog koj raug txheeb xyuas tias koj tau nyob ze nrog ib tug neeg muaj tus kab mob COVID-19 lawm, thiab Oregon COVID-19 Contact Collaborative yuav hu xov tooj tuaj rau koj. Lawv yuav qhia koj paub tias koj tau nphav tus kab mob COVID-19 lawwm thiab muab tej ntaub ntawv qhia txog:

Cov tsos mob uas yuav tau saib xyuas rau.
Yuav tau txais kev kuaj ntsuas li cas yog koj muaj mob.
Yuav tiv thaiv kev sib kis ntawm tus kab mob vais lav li cas.
Yuav saib xyuas koj tus kheej li cas.
Yuav sib nrog tej chaw pab cuam hauv koj lub zej zos li cas.

Txawm tias koj tsis muaj cov tsos mob los xij, koj yuav tau hais kom cais nyob ib leeg. Kev cai nyob ib leeg txhais tau tias, ntev txog 14 hnub tom qab koj qhov tau nyob ze nrog ib tug neeg uas muaj tus kab mob COVID-19, koj yuav tsum nyob twj ywm hauv tsev los sis ntawm thaj chaw uas raug saib xyuas los ntawm cov kws saib xyuas kev noj qab haus huv hauv ib cheeb tsam. Tom qab 14 hnub lawm, qhov kev phom sij ntawm koj thiaj li yuav dhau mus.

Ncua sij hawm no, lawv yuav txuas lus rau koj txhua hnub seb koj puas muaj cov tsos mob huam tuaj. Yog tias koj tsis muaj cov tsos mob tom qab 14 hnub, koj thiaj tawm tau ntawm qhov koj cais nyob ib leeg. Yog koj muaj cov tsos mob COVID-19, lawv yuav pab ua kom koj raug kuaj ntsuas.

Cov tsos mob ntawm tus kab mob COVID-19 muaj xws li:

Hnoos, ua pa txog siav, los sis ua pa nyuaj
Ua npaws, no tshee,ib ce rov qab yoj nrog no tshee
Mob raws tej leeg nqaij
Mob tob hau
Mob qa, los sis tsis qab los los sis tsis hnov tus ntxiab

Koj tuaj yeem kawm kom paub ntau ntxiv txog Oregon COVID-19 Contact Collaborative thiab lawv txoj hauj lwm los cheem kev sib kis ntawm tus kab mob COVID-19 rau ntawm no.

An unknown error has occurred.